Ամանորյա և Սուրբ ծննդյան երգերի փաթեթ

Երնեկ, թե այս նոր տարին

Խոսք՝ Ռափայել Պատկանյանի

Երնե՜կ, թե այս Նոր տարին
Վերջ տար հայի ցավերուն․
Չարը կորչեր, ու բարին
Բուն դըներ մեր սըրտերուն։

Երնե՜կ, թե այս Նոր տարին
Ազատ շընչեր Հայաստան,
Եվ շուրջ Մասիս մեր սարին
Փայլեին արտ-անդաստան։

Հայե՛ր, երբեք չերկմըտիք,
Կըկատարվի այդ ամեն,
Եթե իսպառ մենք հանենք
Փոքրոգություն մեր սըրտեն:

ԱՎԵՏԻՍ

Քրիստոս ծնավ և հայտնեցավ:

Այսօր տոն է սուրբ ծննդեան, ավետիս,

Տեառն մերոյ և հայտնութեան, ավետիս,

Այսօր արևն արդարութեան, ավետիս,

Այսօր արևն արդարութեան, ավետիս:

Շարոց բերեք, պաստեղ բերեք, ավետիս,

Մեր հարսներուն փայն ալ  բերեք, ավետիս,

Թոնիր վառենք, գաթա թխենք, ավետիս,

Այդ գաթայից բաժինք հանենք, ավետիս:

Այնժամ որ Քրիստոս ծնվեց, ավետիս,

Վըրան լուսելույս ծագեց, ավետիս,

Ուղտը եկավ հազար բեռով, ավետիս,

Մանչը ծնվեց քաղցր ճիչով, ավետիս:

Քրիստոս ծնավ և հայտնեցավ:

2.ԱՎԵՏԻՍ

Բառեր

Արդ ցնծացեք ուրախացեք, Ավետիս,

Այսօր ծնունդք ի Մարիամա, Ավետիս:

Էս տան շինած աշնան շինած,  Ավետիս,

Էս տան քարեր մարմար բերած, Ավետիս,

Թոներ ինի քընձ հեկեղեցի, Ավետիս,

Հարսներ ինի քընձ եղվնիք, Ավետիս,

Ավելը ձեռ փունջ մանուշակ, Ավետիս,

Կտխեն ըզձեռ նռան գինի, Ավետիս:ԱՎԵՏԻՍ

Այսօր տոն է սուրբ ծննդյան, ավետիս,

Ձեր սնդուկներ լեցվին հացով , ավետիս,

Ձեր ոչխարներ գային ջոկով, ավետիս,

Ձեր կարասնին լեցվին գինով, ավետիս,

Ձեր քոցոնին գային ջոկով, ավետիս,

Ձեր խորոզնին կանչեն ձենով, ավետիս,

Ձեր  ճուկն ու թաս երթան ու գան, ավետիս,

Ծառ խընկենի, արմավենի, անվետիս,

Ձեր մանչերուն Աստված օրհնե, ավետիս:

ԱՅՍՕՐ ՏՕՆ Է

Այսօր տօն է սուրբ ծննդեան, աւետիս,

Տեառն մերոյ եւ յայտնութեան, աւետիս,

Այսօր արեւն արդարութեան, աւետիս,

Երեւեցաւ ի մէջ մարդկան, աւետիս,

Այսօր Սուրբ Կույս անապական, աւետիս,

Ծնավ և մեզ անմահ Արքան,աւետիս:

ԲԱՍԵՆ ԲԱՐԻ

Բասեն բարի, Բասեն բարի,

Հա՛յ Նուբարի, ջա՛ն Նուբարի,

Տղա՛, արի, բռնե, պարի,

Հա՛յ Նուբարի, ջա՛ն Նուբարի, Նուբարի:

Բասեն բարի, Բասեն բարի,

Հա՛յ Նուբարի, ջա՛ն Նուբարի,

Աղջի, արի, բռնե, պարի,

Հա՛յ Նուբարի, ջա՛ն Նուբարի, Նուբարի:

Երկու գնա, երեք արի,

Հա՛յ դոմբարի, ջա՛ն դոմբարի,

Տղա, արի, բռնե, պարի,

Հա՛յ դոմբարի, ջա՛ն դոմբարի, դոմբարի:

Արի՝ խաղանք էս դոմբարին,

Բասեն բարի, Բասեն բարի,

Ինչքան ուրախ է էս տարին,

Հա՛յ դոմբարի, ջա՛ն դոմբարի, դոմբարի:

Ուրախ տրամադրություն

Պարա պապա պարա պապա պա
Պարա պապա պարա պապա
Պարա պապա պարա պապա պա
Պարապապա պարա պապա
Պապապա պապա ․ 2x

Ես միշտ ուրախ եմ դառնում,
Երգով ու խաղով, կարկաչով առվակի,
Ժիր ու կայտառ ծիծաղով,
Եվ ծիլ ու ծաղկի արծաթե շաղով։

Ես միշտ ուրախ եմ լինում
Իմ մայրիկի պես բարի
Օր է միշտ սովորական
Թե կամ Նոր տարի․․․

Պարա պապա պարա պապա պա
Պարա պապա պարա պապա․․․

Ինչքան էլ որ մեծանամ,
Ուր էլ որ լինեմ անբաժան եք ինձնից,
Երգ ու գարուն ժպտերես,
Եվ դուք իմ դպրոց փողոց և պարտեզ։

Ես միշտ ուրախ եմ լինում
Իմ մայրիկի պես բարի
Օր է միշտ սովորական
Թե կամ Նոր տարի․․․

ԶԱՐ, ԶԸՆԳԸ

Զար, զընգը, զար, զընգը, թող զընգա,

Պարենք գիշեր լուսընկա:

Էս գիշեր` լուսնակ գիշեր,

Զար, զընգը, զար, զընգը, թող զընգա,

Ձուն էկեր` գետին նախշեր,

Զար, զընգը, զար, զընգը, թող զընգա,

Էլի պարը բոլորավ,

Զար, զընգը, զար, զընգը, թող զընգա,

Քուրըս միջին մոլորավ,

Պարենք գիշեր լուսընկա:

Զար, զընգը, զար, զընգը, թող զընգա,

Պարենք գիշեր լուսընկա:

8.ՆՈՐ ՏԱՐԻ Ռ.ԱՄԻՐԽԱՆՅԱՆ

Ռոքային տարբերակ

  1. Պատրաստել ենք մենք Նոր տարվա հանդես,

Նոր տարվա հանդես, Նոր տարվա հանդես,

Հագուստներ ունենք, դիմակներ պես-պես,

Դիմակներ պես-պես, դիմակներ:

կրկնակ. Հյուր կգա շուտով Ձմեռ պապին,

Ներս կգա մեծ պարկը շալակին,

Ձյունանուշն էլ երգը շուրթերին

Շուրջը կխմբի ժիր մանուկներին:

  1. Զարդարել ենք մենք տոնածաը պայծառ,

Տոնածառը մեր, տոնածառը մեր,

Դուրսը՝ ձյուն, ձմեռ, իսկ ներսում՝ պայծառ,

Իսկ ներսում՝ անթիվ ծաղիկներ:

կրկնակ. Հյուր կգա շուտով Ձմեռ պապին,

Ներս կգա մեծ պարկը շալակին,

Ձյունանուշն էլ երգը շուրթերին

Շուրջը կխմբի ժիր մանուկներին:

  1. Թիկ-թակ, մանուկներ, մեծ շրջան բացեք,

Մեծ շրջան բացեք, մեծ շրջան բացեք,

Ինչպես զանգակներ, զանգակներ ուրախ,

Զանգակներ ուրախ, զնգացեք:

կրկնակ. Հյուր կգա շուտով Ձմեռ պապին,

Ներս կգա մեծ պարկը շալակին,

Ձյունանուշն էլ երգը շուրթերին

Շուրջը կխմբի ժիր մանուկներին:

9.ԴԻՆԳ – ԴՈՆԳ Ռ. ԱՄԻՐԽԱՆՅԱՆ

  1. Դինգ – դոնգ, ձմռան երկնքում,

Դինգ – դոնգ, աստղերն են շողում,

Դինգ – դոնգ – դինգ, երկինքը աստղալից

Լուռ ժպտում է մեզ հեռվից:

  1. Դինգ – դոնգ, զիլ զնգա մեր զանգ,

Դինգ – դոնգ, տուր մեզ երազանք,

Դինգ – դոնգ – դինգ, ի՜նչ լավն է եղևնին,

Զիլ զանգերն իր թևերին:

10.ՏՈՆԱԾԱՌ ՋԱՆ, ՏՈՆԱԾԱՌ

  1. Տոնածառ ջան, տոնածառ

Ի՜նչ սիրուն ես ու պայծառ,

Էս ի՜նչ լավն է, էս ի՜նչ լավն է,

Չորս կողմը լույս ու փայլ է:

  1. Կարմիր աստղ գագաթին,

Ծառի տակ՝ Ձմեռ պապին,

Էս ի՜նչ լավն է, էս ի՜նչ լավն է,

Չորս կողմը լույս ու փայլ է:

ՓԱԹ, ՓԱԹ, ՓԱԹԻԼՆԵՐ

  1. Ամպը բացեց դուռը մեծ,

Փաթիլները թափվեցին,

Երգով, պարով, ծիծաղով

Ճյուղերին նստոտեցին:

Կրկնակ.

Փաթ, փաթ, փաթիլներ,

Երգող, պարող փաթիլներ:

  1. Քամին եկավ պարելով,

Փաթիլին խուտուտ տվեց,

«Հա, հա, հա, հա» երգելով՝

Փաթիլներին թռցրեց:

Կրկնակ.

Փաթ, փաթ, փաթիլներ,

Երգող, պարող փաթիլներ:

Իրար վրա շարվեցին,

Մի մեծ բլուր կազմեցին,

Քամին սուլեց, պտտվեց,

«Փաթիլներով պար» բռնեց:

Կրկնակ.

Փաթ, փաթ, փաթիլներ,

Երգող, պարող փաթիլներ:

ՀԱՄՈՎ, ՀՈՏՈՎ ՏՈՆԱԾԱՌ

կրկնակ. Այ քեզ, այ քեզ տոնածառ,

Համով, հոտով տոնածառ,

Զարդարել ենք տոնածառ,

Քաղցրահամ ու շատ պայծառ:

  1. Քաղցր չամիչ, համեղ նուշ,

Տանձ ու խնձոր քացրանուշ,

Չրեր, մրգեր, դեղձ ու նուռ

Ու մի կոկոս անչափ լուռ:

կրկնակ. Այ քեզ, այ քեզ տոնածառ,

Համով, հոտով տոնածառ,

Զարդարել ենք տոնածառ,

Քաղցրահամ ու շատ պայծառ:

  1. Գաթա ու տորթ ենք բերել,

Փայլուն խաղող ենք շարել,

Երգեր հազար, հազար միրգ

Քեզ ականջօղ ենք արել:

կրկնակ. Այ քեզ, այ քեզ տոնածառ,

Համով, հոտով տոնածառ,

Զարդարել ենք տոնածառ,

Քաղցրահամ ու շատ պայծառ:

Մրգով, գաթով շա՜տ համեղ,

Տոնածա՞ռ է, թե՞ սկուտեղ:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s